Ўқ отиш спорти. Қутлуғ айёмга бағишланган мусобақа шукуҳи

Шу куни Иккинчи жаҳон урушида фашизмга қарши мардонавор курашиб, ҳалок бўлган ҳамюртларимиз хотираси эсланади. Бунинг баробарида, юртимизда умргузаронлик қилаётган фахрийларимизга ҳурмат-эҳтиром кўрсатилади.

Қолаверса, ушбу қутлуғ сана муносабати билан аҳолининг турли қатлами, хусусан, ёшларимиз иштирокида маданий-маърифий тадбирлар, спорт мусобақалари уюштириш анъанага айланган.  

Муболаға эмас, Ўзбекистон Республикаси мудофаасига кўмаклашувчи “Ватанпарвар” ташкилоти Хоразм вилояти кенгаши ҳамда вилоят техник ва амалий турлари маркази томонидан “Хотира муқаддас – қадр азиз!” шиори остида пневматик қуролдан ўқ отиш спорти бўйича уюштирилган Хоразм вилояти биринчилиги ана шу эъзозли байрамимизга ўзига хос шукуҳ бағишлади.

Хоразм ВТАСТ марказининг ўқ отиш тирида бўлиб ўтган мазкур мусобақада воҳанинг барча шаҳар ва туманларидан ташриф буюрган 2003 йилда туғилган ва ундан кичик ёшдаги 70 нафарга яқин спортчи мерганлик борасида маҳоратини намойиш қилишди.

Пневматик милтиқдан ўқ отиш биринчилиги.

Қизлар. 1-ўрин. Нилуфар Юлдашева (Боғот тумани ЎСТК). 2-ўрин. Севара Абдуллаева (Шовот тумани ЎСТК). 3-ўрин. Лайло Раҳимова (Хива тумани ЎСТК).

Ўғил болалар. 1-ўрин. Исроил Сапарбоев (Боғот тумани ЎСТК). 2-ўрин. Шаҳзод Сапарбоев (Қўшкўпир тумани ЎСТК). 3-ўрин. Муҳаммад Сапарбоев (Шовот тумани ЎСТК).

Пневматик тўппончадан ўқ отиш биринчилиги.

Қизлар. 1-ўрин. Лайло Султонова (Боғот тумани ЎСТК). 2-ўрин. Шукуржон Адамбаева (Шовот тумани ЎСТК). 3-ўрин. Гулҳаё Озодова (Урганч тумани ЎСТК).

Ўғил болалар. 1-ўрин. Оғабек Маҳмудов (Хива тумани “Карвон” ЎСТК). 2-ўрин. Холбек Аллаяров (Хива тумани ЎСТК). 3-ўрин. Самандар Мадримов (Янгибозор тумани ЎСТК).

Жамоавий биринчилик. 1-ўрин. Боғот тумани ЎСТК. 2-ўрин. Шовот тумани ЎСТК. 3-ўрин. Хива тумани ЎСТК.

Мусобақанинг ёпилиш маросимида Хоразм вилоят техник ва амалий спорт турлари маркази директори Одилбек Ибрагимов мусобақа иштирокчиларини муборак айём билан табриклаб, ғолиб ва совриндорларни диплом ва совғалар билан тақдирлади.

Ишончимиз комилки, бундай тадбирлар ёшларни маънан рағбатлантиради, уни яшашга, яратишга, элу юртга садоқат ва қатъият билан хизмат қилишга ундайди. Зеро, хотира ҳамиша муқаддас, қадр азиздир.

Икром ХУДОЙБЕРГАНОВ, Урганч шаҳридан