15 май 14:48
Янгиликлар

Ўқ отиш

Ўқ отиш: Тўртта медаль қўлга киритган спортчиларимиз тантанали кутиб олинди

Германиянинг Зул шаҳрида ўқ отиш спорт тури бўйича ёшлар ўртасидаги Жаҳон кубогида 4 та медал қўлга киритган ҳамюртларимиз Ўзбекистонга қайтиб келишди.

Кеча Ислом Каримов номидаги Тошкент халқаро аэропортида спортчиларимиз тантанали равишда кутиб олинди. Кутиб олиш маросимида Спортни ривожлантириш вазирининг ўринбосари Шаҳрулло Маҳмудов, ўқ отиш федерацияси ва ОАВ вакиллари иштирок этишди.

Спортни ривожлантириш вазирлиги ҳамюртларимизни мазкур ғалаба билан муборакбод этади.

Маълумот учун, ўқ ўтиш бўйича терма жамоамиз Озарбайжоннинг Габала шаҳрига йўл олади ва у ерда ўқув-машғулот йиғинини ўтказади. Машғулотлар якунлангач, спортчиларимиз Габаланинг ўзида 20-27-май кунлари халқаро турнирда, ундан кейин 27-май – 7-июн кунлари Боку шаҳрида катталар ўртасидаги Жаҳон кубогининг навбатдаги босқичида иштирок этиши белгиланган.