15 сен 15:48
Янгиликлар

Бокс/ММА

Оқ папаха қора папахага қарши! Умар Нурмагомедов Мераб Двалишвилининг чемпион бўлганига муносабат билдирди

Россиялик аралаш якка кураш устаси бугун Лас-Вегасдаги "Сфера" аренасида ташкил этилган UFC 306 турнирига ташриф буюрди.

Мусобақанинг марказий жангида грузиялик Мераб Двалишвили АҚШ вакили Шон О'Мэллини очколар ҳисобига кўра мағлуб этиб, энг енгил вазнда UFC чемпионига айланди.

Мазкур вазн тоифасида UFC рейтингида 2-ўринни эгаллаб турган Умар Нурмагомедов бунга қуйидагича муносабат билдирди:

"Мен бу жангда Шондан кўпрок нарса кутган эдим. Мераб ўз ишини яхши бажарди. У ҳакикий даъвогар билан жанг килишдан кочмаслигига умид киламан. Нима бўлганда ҳам мен тайёрман. Титулнинг ортидан боряпман".