Оқ уй UFC турнирига суд даъвоси таҳдид солмоқда

Тадбирдан бир ҳафта олдин бир гуруҳ фуқаролар, жумладан, АҚШ қуролли кучлари фахрийлари "ўта коррупциялашган" тадбирни тақиқлашни талаб қилиб, судга мурожаат қилишди.

Даъвогарларнинг таъкидлашича, АҚШ президенти Дональд Трамп дўсти, UFC раҳбари Дана Уайтга, шунингдек, унинг ташкилотига "хусусий тижорат спорт тадбирини ўтказиш учун Оқ уй ва Линкольн ёдгорлигига чекланмаган кириш ҳуқуқини беради.

Даъволарнинг иддаоси шундаки, UFC, Дана Уайт ва турнирнинг трансляция ҳамкори Paramount медиа конгломерати шоуни ўтказишдан сезиларли тижорий фойда олиши мумкин, бу қонунга зид, чунки тадбир федерал ерда ўтказилади ва амалдаги қоидалар, агар тадбир давлат томонидан ташкил этилмаган бўлса, бундай объектлардан хусусий фойда олиш учун фойдаланишни тақиқлайди.

Президент аслида Американинг иккита энг машҳур диққатга сазовор жойини хусусий корпорацияга топширди, токи у ва унинг иттифоқчилари бундан фойда кўрсин. Бу коррупция! Бу ёдгорликлар барча америкаликларга тегишли, Дана Уайтга, реклама берувчиларга ёки Дональд Трампга эмас! Биз суддан қонун ижросини таъминлашни сўраймиз, чунки маъмурият буни рад этмоқда", - дейилади даъвони қўллаб-қувватловчи "Public Integrity Project" ташкилоти томонидан эълон қилинган баёнотда.

Америка мустақиллигининг 250 йиллигига бағишланган UFC байрам турнири 14 июнь куни бўлиб ўтади.