05 мар 13:16
Янгиликлар

Бокс/ММА

Оқ уйдаги UFC турнири карди тайёр!

UFC раҳбари Дана Уайт 14 июнь куни Оқ уйда бўлиб ўтадиган ва бир неча ойдан бери чемпионларнинг иштироки бўйича катта мунозараларга сабаб бўлаётган турнирнинг кардини эълон қилишини айтди.

Катта эҳтимол билан, UFC 7 март куни Лас-Вегасда бўлиб ўтадиган UFC 326 "Hollway-Oliveira 2" турнири олдидан бўлиб ўтадиган тадбирлардан бирида катта оқшомнинг тўлиқ кардини расман эълон қилади.

"Мен шу ҳафта бутун кардни эълон қиламан, - деди Уайт iFL TV’га берган интервьюсида. - Бутун кард тайёр. Биз узоқ вақт ҳамма нарсани сир сақладик. Оқ доска қўйдик ва унга жангларни ёздик, кейин эса ҳар бир учрашувдан кейин ўчириб ташладик. Одатда бу учрашувлар сешанба кунлари бўлиб ўтади, аммо сўнгги икки ҳафта давомида биз ҳар куни йиғилдик".

Февраль ойи ўрталарида Уайт улар Оқ уйдаги турнир карди устида ишлашни якунлаганини маълум қилган, бироқ оқшом иштирокчилари билан шартномалар ҳали имзоланмаганини таъкидлаганди.