07 мар 10:49
Янгиликлар

Бокс/ММА

Оқ уйдаги UFC турнири кардидан олтита жанг ўрин олган

UFC раҳбари Дана Уайт шу ҳафта эълон қилишга ваъда берган Оқ уйдаги байрам турнирининг карди олтита жангдан иборат бўлади.

Бу ҳақда ташкилот раҳбари Пирс Морганга берган интервьюсида маълум қилди.

"Мен матчмейкинг хонасидаман ва бутун кард ҳозир доскада кўз олдимда турибди. Мен ҳозир унга қараяпман - биз тасдиқлаган олтита жангнинг барчаси шу ерда. Эҳтимол, улар еттита бўлар, агар биз яна биттасини қўшишга муваффақ бўлсак", - деди Уайт.

Шунингдек, Уайтнинг маълум қилишича, 14 июнга белгиланган тадбирнинг расмий анонси шу ҳафта охирида UFC 326 турнири трансляцияси вақтида бўлиб ўтади.

"Биз буни шанба куни кечқурун қиламиз!", - деб ваъда берди лига президенти.