12 июн 10:10
Янгиликлар

Бокс/ММА

Орловский Конор Макгрегор билан бир оқшомда жанг қиладиган бўлди

30 июнь куни АҚШнинг Лас-Вегас шаҳридаги "T-Mobile Arena" мажмуасида UFC 303 турнири бўлиб ўтади.

Ташкилотчилар томонидан оқшомнинг яна бир жанги эълон қилинди.

Унга кўра, оғир вазн тоифасида беларуслик UFC жангчиси Андрей Орловский (34-23-0) турнир доирасида октагонга чиқади. Унга ўша куни Словакия вакили Мартин Будай (13-2-0) рақиблик қилади. Аслида ушбу жанг 16 июнь куни ўтказиладиган UFC Fight Night турнири доирасида бўлиб ўтиши керак эди. Аммо маълум сабабларга кўра жанг муддати кўчирилди.

Маълумот учун, UFC 303 турнирининг марказий жанги икки вазн тоифасида собиқ UFC чемпиони, ирландиялик Конор Макгрегор ҳамда собиқ Bellator чемпиони Майкл Чендлер ўртасида кечади.