"Ортга йўл йўқ эди". Магомед Анкалаев Перейра қарши жангдаги мағлубият сабабини айтди

UFC’нинг собиқ чемпиони Магомед Анкалаев жароҳатига қарамай, Алекс Перейрага қарши иккинчи жангдан нима сабабдан чиқмагани ҳақида гапирди.

"Жангдан олдин жароҳатларим бор эди. Шифокор билан жангдан чиқиш масаласини ҳам муҳокама қилдим. Жанггача бўлган бир ойни даволаниш ва тикланишга сарфладим. Тўлиқ машғулот ўтказа олмадим, спаррингларда ҳам тўлақонли қатнашолмадим. Тайёргарлик давомида катта меҳнат қилдим. Менга жангдан чиқишимни айтишди, аммо ўзимни тайёр деб ҳисоблардим.

Вазн ташлаш жараёнида ишлар унчалик яхши эмаслигини тушуна бошладим. Лекин энди орқага йўл йўқ эди, ўзимни ёмон ҳис қилаётганимни айта олмасдим. Нима бўлган бўлса, шу бўлди.

Мен шундай одамманки, бошимни уриб олмагунимча тушунмайман.

Чемпионлик камари учун жанг қилиш муҳимроқми ёки Перейрага қарши реваншми? Албатта, камар учун жанг муҳимроқ. Перейрага қарши реваншда эса мағлубиятим тасодиф бўлганини, у мени мағлуб эта олмаслигини исботлашни хоҳлайман", — деди Анкалаев.