UZ

Сўнгги янгиликлар

08:03Жей Опетая cафдан чиқди, Деонтей Уайлдер рақибсиз қолди 0 07:32Сирил Ган Жош Хокит билан жангдан сўнг илк бор баёнот берди 0 07:01Фабио Каннаваро: "Ўртоқлик ўйинларидаги натижа эса муҳим эмас" (+ВИДЕО) 0 18:48"Уни нафақага кузатаман" - Пэдди Пимблетт Топурия билан жанг қилишни истамоқда 0 18:19"Мен Умар ва Усманнинг катта мухлиси эдим..." - Саба Лазишвили 0 17:40"Учрашиб, ҳаммасини муҳокама қилишимиз мумкин". Мераб Двалишвили Ислам Махачевга мурожаат қилди 0 17:17Абдуқодир Ҳусановнинг нархи Саудия Арабистони терма жамоасининг барча футболчилари қийматидан юқори 0 16:48Махачқалъада самбо бўйича Россия чемпионати совриндори отиб кетилди. Нималар маълум? 0 16:19Мераб Двалишвили: «Усман ва Умар эркак эмас» 0 15:45Асламжон Ортиқов чемпионлик реванши олдидан ўтган жангдаги хатосини эслади 0 15:17Почеттино АҚШ терма жамоаси ярим ҳимоячисини "Манчестер Юнайтед"га олиб келмоқчи 0 14:46Олти ой ўрнига олти кун! Нурмагомедовларни қамоқдан Хабиб қутқариб қолдими? 0 14:15Ўзбекистонда велоспорт билан шуғулланувчилар сони 2030 йилгача 30 мингга етказилади 0 13:44Муҳиддин Мамажонов Қозоғистонда жанг қилади + ПОСТЕР 0 13:13"Нефтчи" – "Ал Ҳилол" учрашувини бошқарадиган ҳакам маълум бўлди 0

31 июл 17:39
Янгиликлар

Бошқалар

“Осиё болалари-2022”: ҳамюртларимизнинг бугунги натижалари қандай бўлди? (+медаллар рейтинги)

Теглар :  Осиё болалари
Россия Федерациясининг Владивосток шаҳрида ўтаётган VII “Осиё болалари” спорт ўйинларининг навбатдаги куни ҳам ортда қолди.

Уч кунлик мусобақалар сарҳисоби бизга нима берди? Кўзланган медаллар қўлга киритилдими?

Очиғи, 10тадан ошиқ давлат, Россия Федерациясининг 8та алоҳида ҳудудий жамоалари билан беллашиш натижасида зарур бўлган медаллар шодасини қўлга киритиш ҳамюртларимиз учун осон кечмаётганлиги ҳар бир беллашувда янада ёрқинроқ кўриниб бормоқда.

Бугун, 31 июль кунги баҳсларда юртимизнинг юнон-рум кураши, енгил атлетика, таеквондо, сузиш, стол тенниси вакиллари чин маънода жасорат кўрсатишди. Ёш спортчиларимиз, уларнинг мураббийлари совринли ўринлар учун жон-жаҳди билан беллашганлигини қўлга киритилган 4та олтин, 7та кумуш ва 13та бронзанинг салмоғида ҳам кўриш мумкин. Бу Узоқ Шарқнинг қувончи Ўзбекистонга яқинлигидан дарак бераётгандек.

Хусусан, ёш классик курашчиларимизнинг 7 нафаридан 5 нафари, енгил атлетикачиларимизнинг 7 нафари, таекводочиларимизнинг 4 нафари, гимнастикачиларимизнинг 5 нафари, сузиш ҳамда стол теннисида 1 тадан совринли ўринларга эга чиққанлиги таҳсинга лойиқ натижа бўлди.

Ёшларимиз Владивостокда ўтаётган VII “Осиё болалари” ўйинларининг айрим баҳсларида қисман ноҳақликка учраганлиги, россиялик ҳакамларнинг баъзи вазиятларда ўз спортчиларига “елка ташлашлари”ни назарда тутсак, юртимиз ёшлари бундан-да юксак натижаларга муносиб дейишимизга барча асосларимиз етарли.

Ғолиблик шоҳсупасига кўтарилган курашчимиз Ҳусниддин Абдукаримов, енгил атлетикачимиз Рустам Абдуллаев, таеквондочимиз Ёдгорбек Зхурабоев, кумуш медал эгалари Амир Ишонходжаев, Карина Каримова, Рухшона Муҳаммадинова каби иқтидорли фарзандларимиз Ўзбек спортининг келажакдаги ёрқин вакиллари бўлишига шак-шубҳа йўқ. Яратиб берилаётган шарт-шароитлар, имкониятлардан унумли фойдаланилса, мураббийларимиз илғор тажриба асосида машғулотларда техник-тактик усулларни қўллашда давом этса, ютуқлар ўз-ўзидан юз очаверади.

Медаллар сарҳисобига кўра, 20 тадан ошиқ жамоалар орасида мамлакатимизнинг оловқалб спортчилари умумий ҳисобда 30 дан ошиқ медаллар шодасига эга бўлган ҳолда кучли бешликда бўлса, давлатлар орасида Россиядан кейин 2-ўринни банд этиб турибди.

Алоҳида спорт турлари орасида юртимиз таеквондочилари 1-ўринда, юнон-рум курашчилари “Осиё болалари” ўйинларини 2-ўринда якунлашди.

Эртага, 1 август куни спортчиларимиз енгил атлетика, стол тенниси ва спорт курашларида медаллар учун баҳсга киришса, баскетболчи қизларимиз ярим финалда, ёш футболчиларимиз саралаш мусобақаларида қатнашади.

Медаллар жамғариш рейтинги қуйидагича кўриниш олган: 

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг