“Осиё болалари” (“Дети Азии”): Ҳамюртларимиз мусобақага жўнаб кетишди

Спортни ривожлантириш вазирлигида “Осиё болалари” мусобақасига жўнаб кетувчи делегация аъзолари иштирокида йиғилиш ўтказилди. Унда Спортни ривожлантириш вазири ўринбосари Абдулла Аслонов, Ўзбекистон Миллий олимпия қўмитаси Бош котиби Ойбек Касимов, спорт таълим муассасаларининг мутасадди раҳбарлари, спорт федерацияларининг масъул ходимлари иштирок этишди.

Йиғилишда Россияга йўл олаётган делегациямиз аъзолари учун барча шароитлар яратилганлиги таъкидланди. Шунингдек, делегация аъзоларига кун тартиби бўйича ахборот етказилди.

Маълумот учун: мазкур мусобақада 174 нафар (101 нафар ўғил бола, 73 нафар қиз) ҳамюртимиз спортнинг 17 та турида ўз омадларини синаб кўришади.

“Осиё болалари” ўйинлари Осиё Олимпия Кенгаши ташаббуси билан ҳар 4 йилда бир марта ўтказилади.

Бугун тонгда терма жамоамиз делегацияси Россияга жўнаб кетди.