“Осиё болалари” (“Дети Азии”) ўйинларида 174 нафар спортчимиз иштирок этади

 Унда 15 та давлатдан ташриф буюрган иштирокчилар спортнинг 19 та тури бўйича ғолиблик учун кураш олиб борадилар.

Мазкур мусобақада 174 нафар (101 нафар ўғил бола, 73 нафар қиз) ҳамюртимиз спортнинг 17 та турида ўз омадларини синаб кўришади. Улар орасида 12 нафар самбочимиз ҳам бор.

“Осиё болалари” ўйинлари Осиё Олимпия Кенгаши ташаббуси билан ҳар 4 йилда бир маротаба ўтказилади. Қувонарлиси, бу йилги ўйинлар дастурига илк бор ўзбек миллий спорт тури – Кураш ҳам киритилди.

Ўзбекистон делегацияси “Осиё болалари”(“Дети Азии”) ўйинларида илк бора 2008 йилда иштирок этган. Россия Федерациясининг Якутск шаҳрида ўтказилган “Осиё болалари” IV ўйинларида 14 нафар спортчимиз бокс мусобақаларида қатнашиб, якунда вакилларимиз 5 та олтин, 3 та кумуш ва 2 та бронза, жами 10 та медал билан умумжамоа ҳисобида 7-ўринни қўлга киритишган.