"Осиё болалари" комплекс мусобақасидаги медалларимиз сони 63 тага етди + ЖАДВАЛ

Ушбу мусобақада Ўзбекистон спорт делегацияси ҳам муваффақиятли иштирок этяпти. Айни шу дақиқаларгача терма жамоамиз спортчилари томонидан қўлга киритилган умумий медалларимиз сони 63 тага етди. Шундан 21 таси олтин, 23 таси кумуш, 19 таси бронза медалларидир. 

Медаллар жамғариш бўйича Ўзбекистон спорт делегацияси умумжамоа ҳисобида тўртинчи, давлатлар кесимида учинчи ўринни эгаллаб турибди. Алоҳида жамоа бўлиб қатнашаётган Сибирь Федераль округи жамоаси 26 та олтин, 24 та кумуш, 28 та бронза, жами 78 та медаль билан биринчи ўринни банд этган. Иккинчи ўриндан жой олган Беларусь терма жамоаси ҳисобида 25 та олтин, 21 та кумуш, 25 та бронза медали бор.