27 июн 12:46
Янгиликлар
Самбо
"Осиё болалари" мусобақасининг илк куни 5 та медаль қўлга киритдик
Россия Федерациясининг Саха Республикаси Якутск шаҳрида ўтаётган "Осиё болалари" ўйинларининг илк куни спортчиларимиз учун муваффақиятли ўтди.
Аниқроғи, "Осиё болалари" халқаро мусобақасининг биринчи кунида самбо бўйи ўтган беллашувларда 6 нафар самбочимиз иштирок этди ва улардан 5 нафари медалларни қўлга киритди.
Жумладан, Вазира Нуриллаева, Ҳайдарбек Ўроқбоев ўз вазн тоифаларида олтин медаль билан тақдирланган бўлса, Кумушбиби Эргашева, Сардор Ёдгоров ва Давлатжон Козимов делегациямиз ҳисобига 3 та бронза медалини қўшиб қўйди.
Шу тариқа, Ўзбекистон делегацияси ҳисоби 5 та медаль билан тўлди ва мусобақанинг илк куни якунларига кўра медаль жамғаришда биринчи поғонага кўтарилиб олди.
Ҳавола :
Манба : uza.uz
Фикрлар