"Осиё болалари" қишки ўйинларининг очилиш маросими бўлиб ўтди

Илк маротаба ташкил этилаётган мусобақада 20 дан ортиқ мамлакат спортчилари совринли ўринлар учун кураш олиб борадилар. Баҳсларда ўзбекистонлик ёш спортчилар ҳам иштирок этадилар.

Бугун ўйинларнинг тантанали очилиш маросими бўлиб ўтди. Унда иштирокчи терма жамоалар ҳудди катта комплекс мусобақаларда бўлгани каби ўз мамлакатлари байроқларини кўтарган ҳолда юриб ўтишди. Ўз навбатида Ўзбекистон спорт делегацияси вакиллари ҳам ватанимиз байроғини кўтарган ҳолда ўзига ҳос "парад"да иштирок этдилар. Делегациямиз сафида тоғ чанғиси бўйича терма жамоамиз аъзоси Медет Назаров байроқдор вазифасини бажарди.

Эслатиб ўтамиз, Ўзбекистон терма жамоаси мусобақада қуйидаги таркибда иштирок этмоқда:

Тоғ чанғиси:

Валерия Ковалёва
Медет Назаров
Акилбек Бухарбаев

Фигурали учиш:

Нигинабону Жамолиддинова
Азизмурод Шабазов
Диана Раҳмонқулова

Сноуборд:

Валерия Майорова
Азиз Сапарбаев.

Ўйинлар 17 февралга қадар давом этади.