Осиё чемпионати. Бугун эркин курашчиларимиз 1 та кумуш, 4 та бронза медалига эга чиқишди

Бугун ўсмирлар ўртасидаги қитъа чемпионатининг сўнгги куни эркин кураш бўйича барча ғолиб ва совриндорлар номи маълум бўлди. Бироз аввал якунига етган кечки финал дастурида 7 нафар эркин курашчимиз Осиё чемпионати медаллари учун гиламга чиқди. Улардан 5 нафари якунда шоҳсупага кўтарилди.  

60 кг вазн тоифасида юртимиз шарафини ҳимоя қилган Жавоҳир Чулибоев Осиё чемпионлиги учун кечган баҳсда мезбонлар вакили Билол Шарип уулуша 5-8 ҳисобида ютқазиб, кумуш медаль соҳибига айланди. 

Учинчи ўрин учун бўлиб ўтган беллашувда рақибларидан усну келган Аббосбек Қобилов, Ҳусанбой Усмонов, Шерзод Поёнов ва Ҳикматулло Қурбонов терма жамоамизга бронза медалини тақдим этишди. 

Осиё чемпионати. Финал дастури

Олтин медаль учун

60 кг: Жавоҳир Чулибоев - Билол Шарип уулу (Қирғизистон) 5-8

Бронза медаль учун 

45 кг: Беҳруз Қаландаров - Нурассил Ассамбек (Қозоғистон) 6-9

48 кг: Азиз Раҳмонов - Рамил Рассим (Қозоғистон) 2-6

51 кг: Аббосбек Қобилов - Азим Абдикаликов (Қирғизистон) 4-3  

55 кг: Ҳусанбой Усмонов - Йоко Ито (Япония) 7-0

92 кг: Шерзод Поёнов - Саҳил Жаглан (Ҳиндистон) 4-3

110 кг: Ҳикматулло Қурбонов - Рентсендаржаа Мунҳбаатар (Мўғулистон) 10-0