Осиё чемпионати. Эркин курашчиларимиздан биттадан кумуш ва бронза

Бугун ўсмирлар ўртасидаги қитъа чемпионати баҳслари бошланди. Ўзбекистон терма жамоасининг 10 нафар аъзоси ушбу беллашувларда юртимиз шарафини ҳимоя қилмоқда. 65 кг вазнда гиламга чиққан Акобир Раҳимов финалга қадар етиб келиб, Осиё чемпионатининг кумуш медалига сазовор бўлди. 

У олтин медаль учун кечган баҳсда туркманистонлик Алп Арслан Бегенжовга ютқазиб (6-9) қўйди. Акобир финалгача Мўғулистон, Япония ва эронлик рақибларини таслим этган эди. 

Яна бир эркин курашчимиз Аббосжон Йўлдошев Осиё чемпионатининг бронза медалини қўлга киритди. 80 кг вазн тоифасида курашган ҳамюртимиз бронза учун беллашувда Жанубий Корея вакили Ю Мин Жангдан 18-7 ҳисобида устун келди.

Қолган вазндаги эркин курашчиларимиз эртага медаллар учун беллашувларга гиламга чиқишади.