22 фев 13:35
Янгиликлар

Спорт курашлари

Осиё чемпионати. Иляс Бекбулатов финалда, Рўзимов бронза учун курашади

Ҳиндистоннинг Нью-Дели шаҳри спорт курашлари бўйича Осиё чемпионатига мезбонлик қилмоқда.

Қувонарлиси, -70 кг вазндаги юртдошимиз Иляс Бекбулатов финал чиптасини қўлга киритди. Иляс чорак финалда қирғизистонлик Исламбек Орозбековни 14:3, ярим финалда мўғулистонлик Темуулен Энхтуяни 4:2 ҳисобида мағлуб этди. Энди у кечки дастурда Осиё чемпионлиги учун гиламга чиқади. Унинг олтин медаль учун беллашувдаги рақиби бироздан сўнг аниқланади.

-57 кг вазн тоифасидаги курашчимиз Сардор Рўзимов эса бронза медали учун гиламга чиқадиган бўлди. Сардор чорак финалда яманлик Гамал Алсабридан 12:0 ҳисобида устун келганди. Аммо, ярим финалда тожикистонлик Ҳикматулло Воҳидовга 2:3 ҳисобида ютқазиб қўйди. Рўзимовнинг бронза медали учун баҳсдаги рақиби қирғизистонлик Бекболот Мирзаназар Уулу бўлади.