Осиё чемпионати олдидан мураббийлар учун митинг ташкил этилди, унда ўзбекистонлик мутахассис сўзга чиқди + ФОТО

Тадбир давомида терма жамоа мураббийлари учун митинг ҳам ташкил этилди. Унда Осиё бокс конфедерацияси мутасаддилари мураббийлар учун қоидалар, ташкилий жиҳатлар бўйича тушунтириш бериб ўтишди. 

Митинг давомида ўзбекистонлик мутахассис, айни пайтда Осиё бокс конфедерацияси тиббиёт комиссияси раиси сифатида фаолият олиб бораётган Дилшод Казаков ҳам сўзга чиқди ва тиббий йўналишда тушунтиришлар бериб ўтди. 

Митинг якунига етгач, қуръа ташлаш маросими бўлиб ўтди. Унда терма жамоамиз катта мураббийлари Ҳамид Тангрибергенов ва Камолиддин Муталов иштирок этди.

Бироздан сўнг қуръа натижаларини эътиборингизга ҳавола қиламиз.