Осиё чемпионати. Ўзбекистон Баҳрайнга 16 тўп фарқи билан ютқазди

Кеча старт олган ва ўз тарихида йигирманчи маротаба ўтказилаётган қитъа чемпионатида Ўзбекистон терма жамоаси ҳам иштирок этяпти. Вакилларимиз кеча гуруҳ босқичининг илк учрашувида Гонконгдан 28-24 ҳисобида устун келишган эди. 

Афсуски, бироз аввал якунига етган иккинчи тур баҳсида қўл тўпи усталаримиз Баҳрайнга 19-35 ҳисобида имкониятни бой бериб қўйишди. Гуруҳнинг иккинчи ўйинида Гонконг Вьетнамни 31-27 ҳисобида енгди. 

Шу тариқа, биринчи турда Вьетнамдан 46-14 ҳисобида устун келган Баҳрайн терма жамоаси якка гуруҳ пешқадами бўлиб олди. Эртага терма жамоамиз Вьетнамга қарши баҳс олиб боради. 

Аслида бизнинг гуруҳда қатнашиши керак бўлган Япония терма жамоаси мамлакатдаги пандемик вазият сабаб Саудия Арабистонига етиб кела олмади.