Осиё чемпионати. Ўзбекистон - Жанубий Корея ўйини ғолиби 10 та тўп фарқи билан зафар қучди

Ўз тарихида йигирманчи маротаба ўтказилаётган қитъа чемпионатида Ўзбекистон терма жамоаси ҳам иштирок этяпти. Вакилларимиз илк гуруҳ босқичида икки ғалаба ва бир мағлубият билан иккинчи ўринни эгаллаб, кейинги даврага йўл олганди. 

Бугун қўл тўпи усталаримиз иккинчи гуруҳ босқичининг дастлабки тур ўйинида Жанубий Корея терма жамоасига қарши баҳс олиб бориб, 21-31 ҳисобида имкониятни бой беришди. Гуруҳимиздаги иккинчи ўйин айни дақиқаларда Саудия Арабистони ва Қатар терма жамоалари ўртасида бўлиб ўтмоқда. 

Энди терма жамоамиз 24 январь куни Қатарга қарши баҳс олиб боради. Иккинчи асосий гуруҳдан Қуқайт, Эрон, Ироқ ва Баҳрайн терма жамоалари жой олган. Гуруҳларда биринчи ва иккинчи ўринни эгаллаган жамоалар ярим финалга йўл олади.

Ҳозиргача якунланган ўйинлар:

Эрон - Ироқ - 28-25

БАА - Ҳиндистон - 31-21

Баҳрайн - Қувайт - 29-15