06 дек 12:17
Янгиликлар

Бокс/ММА

Осиё чемпионати. Шодиёржон Мелиқўзиевнинг украиналик боксчига қарши жанги муддатидан олдин якунланди

Теглар : Осиё чемпионати Шодиёр Мелиқўзиев

Таиланднинг Чиангмай шаҳри мезбонлик қилаётган бокс бўйича катталар ўртасидаги Осиё чемпионатининг навбатдаги кунги жанглари бошланди.

Боксчиларимизнинг бугунги иштирокини Шодиёржон Мелиқўзиев бошлаб берди. Қўқонлик боксчимиз 1/4 финал босқичида украиналик Андрий Ефимовичга қарши рингга кўтарилди. Жанг 1-раунддаёқ якунига етди. Юртдошимиз рақибини кетма-кет нокдаун ҳолатига туширди ва шундан сўнг ҳакам жангни тўхтатди.

Шу тариқа, боксчимиз муддатидан олдин жангни ўз фойдасига ҳал этди.

Энди Шодиёр 8 декабрь куни Осиё чемпионатининг ярим финалида рингга кўтарилади.

Эслатиб ўтамиз, Шодиёржон қитъа чемпионатининг илк босқичида мезбонлар вакили Тхуамчароен Натхапхонгдан 5:0 ҳисобида устун келганди.