05 июн 20:05
Янгиликлар

Спорт курашлари

Осиё чемпионати совриндори Жаҳонгир Турдиевни табриклаймиз!

Бугун юнон-рим кураши бўйича Ўзбекистон терма жамоаси аъзоси Жаҳонгир Турдиев ўз таваллуд кунини нишонламоқда.

Жаҳонгир Турдиев 1993 йил 5 июнь куни Қарши шаҳрида дунёга келган. Аввалига лицей, кейин эса Қарши педагогика университетини тамомлаган. Эсини танигандан бери спортда. Мураббий Эдим Абдураимов қўл остида юнон-рим кураши сир-асрорларини ўрганган.

Жаҳонгир халқаро мусобақаларда -97 кн вазн тоифасида юртимиз шарафини ҳимоя қилиб келмоқда. 2019 йилги Осиё чемпионатида кумуш медални қўлга киритган. У шунингдек, кўплаб халқаро турнирлар ғолиб ва совриндори ҳисобланади.

Фурсатдан фойдаланиб, Жаҳонгир Турдиевга инсон учун энг керакли бўлган соғлиқ, оиласига тинчлик-хотиржамлик тилаймиз. Мусобақаларда ҳамиша қўли баланд бўлсин. Қалбининг тубига яшириб қўйган барча орзу-истаклари рўёбга чиқсин.