Осиё чемпионати. Умумжамоа ҳисобида биринчи ўриндамиз!

Қитъа чемпионатининг биринчи куни ўсмирлар ўртасида 8 та вазнда ғолиб ва совриндорлар номи маълум бўлди. Дзюдочиларимиз 8 та вазнда 9 та медаль қўлга киритишди. Шулардан 5 таси олтин, 3 таси кумуш, 1 таси эса бронза медалидир. 

Шу тариқа, Ўзбекистон биринчи кунги баҳслардан сўнг умумжамоа ҳисобида биринчи ўринни эгаллаб турибди. Қозоғистон 3 та олтин, 4 та кумуш, 1 та бронза медали билан иккинчи поғонадан жой олган бўлса, 1 та кумуш, 2 та бронза медалига эга Ҳиндистон терма жамоаси кучли учликка якун ясаган.