18 окт 17:49
Янгиликлар
Бокс/ММА
Осиё чемпионатида муваффақиятли иштирок этиб, 20 та медаль қўлга киритган ўсмир боксчиларимиз Тошкентда тантанали кутиб олинди
Хабар бериб ўтганимиздек, бокс бўйича Ўзбекистон ўсмирлар терма жамоаси БААнинг Фужайра шаҳридаги Осиё чемпионатида иштирок этиб, умумжамоа ҳисобида биринчи ўринни эгаллади.
Вакилларимиз мусобақада 23 нафар боксчи билан иштирок этиб, 20 та медаль қўлга киритишди.
Бугун ана шу қитъа чемпионатида муваффақиятли қатнашган боксчиларимиз юртимизга қайтиб келишди. Улар Ислом Каримов номидаги Тошкент халқаро аэропортида тантанали кутиб олинди.
Кутиб олиш маросимида «Ўзбекистон Темир йўллар» АЖ мутасаддилари, Жисмоний тарбия ва спорт вазирининг биринчи ўринбосари Ойбек Касимов, Ўзбекистон бокс федерацияси раисининг биринчи ўринбосари ва МОҚ вице-президенти Сакен Полатов, Тошкент шаҳар ҳокимлиги вакиллари, спортчиларнинг яқинлари ва ОАВ ходимлари иштирок этишди.
Бироз ўтиб кутиб олиш маросимидан суратларни эътиборингизга ҳавола қиламиз.
Ўзбекистон бокс федерацияси матбуот хизмати
Ҳавола :
Фикрлар