22 апр 08:08
Янгиликлар

Дзюдо

Осиё чемпионатидаги медалларимиз 4 тага етди, бугунги охирги кун ФОТО

БААнинг Фужайра шаҳрида ўтказилаётган дзюдо бўйича Осиё / Океания чемпионатининг иккинчи кунги баҳслари ортда қолди.

Дзюдочиларимиз мусобақанинг иккинчи куни 2 та кумуш ва битта бронза медалини қўлга киритишди. -70 кг вазн тоифасида юртимиз шарафини ҳимоя қилган Гулноза Матниязова ҳамда -81 кг вазнда татамига чиққан Шарофиддин Болтабоев терма жамоамизга кумуш медалларни тақдим этишди. -73 кг вазнда курашган Ҳикматиллоҳ Тўраев эса бронза медали билан тақдирланди.

Мусобақанинг биринчи куни ўсмирлар ўртасида жаҳон чемпиони Диёра Келдиёрова барча рақибаларини мағлуб этиб, Осиё чемпиони деган юксак номга эришганди. Икки кунлик баҳслар якунига кўра дзюдочиларимиз 1 та олтин, 2 та кумуш, 1 та бронза медалига эга бўлиб туришибди.