Осиё чемпионатига сўнгги тайёргарлик Бухорода давом этмоқда

12 август куни бошланган машғулотлар 31 август - 1 сентябрь кунлари Корея Республикасининг Мунгёнг шаҳрида ўтказилувчи ёшлар ўртасидаги Осиё чемпионатига сўнгги тайёргарлик босқич вазифасини ўтаб бермоқда. Қитъа биринчилигида тўлиқ таркибдаги дзюдочиларимиз медаллар учун татамига чиқишади. 

Терма жамоамизнинг бугунги машғулоти бошланиши олдидан Ўзбекистон дзюдо федерацияси раиси ўринбосари Зафар Қаҳрамонов, федерациянинг Бухоро вилояти бўлими раиси Шуҳрат Очилов, терма жамоаларимиз менежери Элдор Қаҳҳоров мураббий ва дзюдочиларимиз билан учрашишди. 

Шуҳрат Очилов бугун таваллуд кунини нишонлаётган Рио-2016 Олимпиадаси совриндори Диёрбек Ўразбоевни табриклаб, шукрона кун соҳибига телевизор совға қилди. Ўразбоев ёшлар терма жамоаси мураббийлар штаби таркибида Искандар Расулов ва Камол Муродовга ёрдам бериб келяпти.