Осиё чемпионатининг илк куни 12 та медаль қўлга киритдик, тенг ярми олтин!

Аурелиан-Чиприан Флис мураббийлигидаги дзюдочиларимиз 6 та олтин, 2 та кумуш, 4 та бронза медалини қўлга киритишди. Акбар Шарифов, Давлатбек Аҳроров, Акрамжон Каримов, Ирода Сирожиддинова, Дилафруз Болтабоева ва Чарос Ҳикматова шарафига Ўзбекистон мадҳияси янгради.     

Эътиборлиси шундаки, кечаги кун дастурида татамига чиққан 12 дзюдочимизнинг бари ғолиб ва совриндорлар сафидан жой олди. 

Олтин медаллар

-40 кг: Ирода Сирожиддинова

-44 кг: Дилафруз Болтабоева

-48 кг: Чарос Ҳикматова 

-50 кг: Акбар Шарипов

-60 кг: Давлатбек Аҳроров

-66 кг: Акрамжон Каримов 

Кумуш медаллар

-44 кг: Алина Колючева

-55 кг: Бобур Юсупов 

Бронза медаллар

-48 кг: Моҳинур Оллаберганова 

-52 кг: Кумушбиби Эргашева 

-50 кг: Маъмуржон Абдуваҳобов 

-60 кг: Абубакр Сатторов