16 апр 15:54
Янгиликлар

Дзюдо

Осиё чемпионатининг илк куни 3 та медалга эга чиқдик

Бугун Хитойнинг Ордос шаҳрида бошланган дзюдо бўйича катталар ўртасидаги Осиё чемпионатининг биринчи кунги ғолиб ва совриндоорлари маълум бўлди.

Бугун 5 дзюдочимиз баҳсларга киришган бўлса, улардан 3 нафари якунда шоҳсупага кўтарилди. Финалга етиб келган Лазиза Ҳайдарова (-48 кг) ва Сита Кадамбаева (-52 кг) мос равишда мўғулистонлик рақибалари Жамсран Анудари ҳамда Нандин-Эрдене Мягмарсуренга имкониятни бой бериб, кумуш медални қўлга киритишди.

Самариддин Қўчқоров (-60 кг) эса учинчи ўрин учун кечган беллашувда қозоғистонлик Шерзод Давлатовни мағлубиятга учратиб, бронза медалига сазовор бўлди. Замоҳшари Бекмуродов (66 кг) эса бронза медали учун баҳсда кореялик Ким Чан Нёнгга ютқазиб, 5-ўрин билан кифояланди.

Кумуш медаль соҳиблари:

-48 кг: Лазиза Ҳайдарова

-52 кг: Сита Қадамбоева

Бронза медаль соҳиби:

-60 кг: Самариддин Қўчқоров