Осиё чемпионатининг илк кунида 2 та олтин ва 2 та кумуш ФОТОРЕПОРАЖ

Мусобақанинг биринчи куни қизлар ўртасидаги рапира баҳсларида иштирок этган Маржона Усмонова Эрон ва гонконглик рақибаларини мағлубиятга учратиб, финал йўлланмасини қўлга киритди. Олтин медаль учун у таиландлик рақибасига қарши майдонга чиқди. Маржона беллашувда дадил ва чаққон ҳаракатлари эвазига рақибасини мағлуб эта олди.

Шу ўринда, саблячи йигитларимизнинг ажойиб иштирокини алоҳида таъкидлаш жоиз. Икки иқтидорли йигитимиз Алланияз Эшчанов ҳамда Исламбек Абдазов барча рақибларини мағлуб этиб, финалда ўзаро баҳс олиб боришди. 

Исламбек тенгдошидан маҳорат бобида устун эканлигини намойиш этиб, ғалаба нашидасини сурди. Шунингдек, чемпионлик йўлида шпагачимиз Мейирхан Тимуров  финалда  қозоғистонлик Богдан Лукинга имкониятни бой берди.

Биринчи кун баракали бўлди: қиличбозларимиз 2 та олтин ҳамда 2 та кумуш медалларига эга бўлишди.

Суратлар муаллифи - Алимурод МАМАДАМИНОВ, ўз мухбиримиз