Осиё чемпионатининг жамоавий баҳсларига қуръа ташланди. Япония билан фақат финалда учрашишимиз мумкин

Қуръа натижасига кўра, Илиас Илиадис мураббийлигидаги Ўзбекистон терма жамоаси 1/4 финалда туркманистонлик дзюдочиларга қарши баҳс олиб боришади. Қўшниларимиз сўнгги мусобақаларда анча яхши натижа кўрсатишяпти. Айниқса, аёллар терма жамоасининг енгил вазндаги дзюдочилари совриндорлар сафидан жой олиб келмоқда.

Агар Туркманистон тўсиғидан ўтиб олсак, 1/2 финалда Мўғулистон - Хитой Тайпейи жуфтлиги ғолиби билан тўқнаш келамиз. Иккинчи сеткада Япония - Корея Республикаси, Қозоғистон - Ҳиндистон жуфтликлари ўзаро муносабатларига ойдинлик киритиб олишади. Биз дзюдо ватани вакиллари - Япония терма жамоаси билан фақат финалда учрашишимиз мумкин.  

Терма жамоамиз таркиби:

-73 кг: Шаҳрам Аҳадов, Муроджон Йўлдошев

-90 кг: Шарофиддин Болтабоев, Нурбек Муртазоев

+90 кг: Музаффарбек Тўрабоев, Алишер Юсупов

-57 кг: Сита Кадамбаева, Шукуржон Аминова

-70 кг: Гулноза Матниязова, Шоҳиста Назарова 

+70 кг: Ирисхон Қурбонбоева, Рината Илматова