23 апр 16:03
Янгиликлар

Велоспорт

Осиё чемпионатининг жамоавий пойгалари ғолиблари маълум бўлди

Бугун велоспортнинг шоссе йўналиши бўйича Осиё чемпионатининг илк кунида эркаклар ва аёллар ўртасида жамоавий пойгалар бўлиб ўтди.

Эркаклар ўртасида 40 км масофага ўтказилган жамоавий пойгаларда биринчи ўринни Қозоғистон терма жамоаси қўлга киритган бўлса, иккинчи ва учинчи ўринлар Жанубий Корея ҳамда Гон Конг жамоаларига насиб этди.

Аёллар ўртасидаги жамоавий пойгалар 30 км масофада ўтказилиб, унда биринчи ўринни Жанубий Корея, 2-ўрин Қозоғистон ва 3-ўрин гонконглик велоспортчилар қўлга киритди.

Эслатиб ўтамиз, юртимиз илк маротаба велосипед спортининг шоссе йўналиши бўйича Осиё чемпионатига мезбонлик қилмоқда. Унда Хитой, Япония, Жанубий Корея, Ҳиндистон, Вьетнам, Гонконг, Малайзия, Филиппин, Таиланд, Мўғулистон, БАА, Иордания, Эрон, Саудия Арабистони, Яман ва Ливан каби 40га яқин мамлакатдан 500 нафардан ортиқ велопойгачилар иштирок этишяпти.