15 ноя 10:10
Янгиликлар

Енгил атлетика

Осиё чемпионатининг ярим марафон дастурида 2 та медаль қўлга киритдик

Бирлашган Араб Амирликларининг Дубай шаҳрида енгил атлетиканинг ярим марафон йўналиши бўйича Осиё чемпионати бўлиб ўтди.

Эътиборлиси, қитъа биринчилигида иштирок этган Ўзбекистон аёллар терма жамоаси мусобақани 2 та кумуш медаль билан якунлади.

Яккалик йўналишида 1 соату 13 дақиқа 29 сония натижа қайд этган Ҳамидова 5 йил аввал ўзи ўрнатган Ўзбекистон рекордини янгилашга эришди. Ушбу натижа юртдошимизга кумуш медални тақдим этди. Олтин медаль Япония, бронза медали эса Қирғизистон терма жамоаси аъзосига насиб этди. Мазкур дастурда Хмелевская саккизинчи, Миракбарова ўн еттинчи бўлиб маррага етиб келди.

Шунингдек, уч нафар спортчимизнинг умумий ҳисобдаги 3:46:08 натижаси жамоавий дастурда кумуш медалларни тақдим этди. Ушбу йўналишди Қирғизистон жамоаси олтин, Ҳиндистон эса бронза медалига сазовор бўлди.