Осиё чемпиони Баҳодур Усмонов проф боксда дебют қилди

Жанг оқшоми доирасида тожикистонлик боксчи, Осиё чемпиони Баҳодур Усмонов профессионал боксдаги илк жангини ўтказди. Ушбу жангга Баҳодурга россиялик Вилдан Минасов (4-0, 3 КО) рақиблик қилди. 

6 раундга мўлжалланган жанг тўлиқ давом этди ва унда Баҳодур очколар эвазига ғалаба қозонди. Қайд этиш лозимки, Усмонов жанг бошида нокдаун ҳолатига тушиб қолганди. Аммо у ўзига келиб олди ва муросасиз кечган баҳсда ғалабага эришди.

Маълумот учун, Баҳодур Усмонов 2019 йили Бангкокда ўтказилган Осиё чемпионатининг олтин медаль соҳиби (-64 кг) ҳисобланади. Айни пайтда Токио Олимпиадаси йўлланмасини нақд қилиб қўйган.