Осиё каратэ федерациясининг махсус комиссияси Тошкентга келади

Шу мақсадда 13-17 март кунлари оралиғида Осиё каратэ федерациясининг махсус комиссияси, яъни ишчи гуруҳи пойхтамизда меҳмон бўлади. Комиссия аъзолари Тошкент шаҳрининг катталар ўртасидаги қитъа чемпионатини ўтказиш учун қай даражада тайёр эканлиги билан танишади.

Бир муддат аввал махсус комиссия Осиё чемпионати мезбонлигига яна бир даъвогар мамлакат - Вьетнамда ҳам бўлганди. Лекин ушбу давлат тақдим этган инфратузилма, мусобақани қабул қилиб олувчи спорт мажмуаси талаб даражасида эмас деб топилган.

Демак, ягона номзод шаҳар сифатида Тошкент қолмоқда. Юртимиз эса жаҳон ва Осиё чемпионатларини ташкил этиш бўйича катта тажрибага эга. Умид қиламизки, Токио-2020 Олимпиадасига муҳим рейтинг очколарини тақдим этиши билан аҳамиятли бўлган ушбу қитъа чемпионати ҳам Ўзбекистонда ўтказилади.