16 май 13:58
Янгиликлар

Футбол

Осиё Кубоги-2023 мезбони деярли аниқ

Ушбу мусобақани қабул қилиш учун ҳозирга қадар икки мамлакат Хитой ва Жанубий Корея давлатлари даъвогар эди.

Бироқ кеча, 15 май куни Жанубий Корея ўз аризасини қайтариб олди ва даъвогар битта қолди. Корея бутун эътиборини 2023 йилги аёллар ўртасидаги Жаҳон чемпионатини қабул қилишга қаратишни маъқул кўрди.

Шу тариқа навбатдаги Осиё Кубоги Хитой мамлакатида бўлиб ўтиши деярли аниқ бўлди. Бу ҳақда расман 4 июнь куни Франция пойтахти Париж шаҳрида ФИФА 69-конгресси чоғида эълон қилинади.

Маълумот учун, Хитой 2023 йилги мусобақани 9та шаҳардаги стадионларда қабул қилмоқчи.

Эслатиб ўтамиз, 2004 йилги Осиё Кубоги ҳам Хитойда бўлиб ўтган эди.