Осиё Олимпия Кенгаши россиялик спортчиларнинг халқаро турнирларда иштирок этишини истамоқда

"Спортчилар миллатчилик, диний, этник дискриминацияни йўққа чиқаришга асосланган Олимпия ҳаракатининг автономиясини тўлалигича қўллаб-қувватлашди. Шу сабабли форум қатнашчилари ўз қонунчилиги чиқараётган қонунлар сабаб спортчилар жазоланмаслиги борасида хулосага келишди. Спортчилар халқаро мусобақаларда (шу жумладан Осиё ўйинларига ҳам) ҳеч қандай дискриминациясиз қатнашишлари керак. 

Рус ва беларуслик спортчиларга келадиган бўлсак, улар белгиланган шартлар эвазига халқаро турнирларга қайтарилиши даркор", - дейилади ташкилот матбуот хизмати хабарида.

Белгиланган шартлар сифатида рус ва беларуслик спортчиларнинг нейтрал статусда (байроқ ва миллий белгиларсиз) қатнашиши, барча қатори антидопинг қоидаларига риоя қилиши, осиёлик спортчиларга саралашларда адолатли муносабатда бўлиши келтирилган.