Осиё Олимпия кенгаши ёшлар ўртасидаги Осиё ўйинлари мезбонлиги нима сабабдан Тошкентдан олинганига изоҳ берди

Мусобақага 2025 йилда Тошкент шаҳри мезбонлик қилиши керак эди, бироқ Осиё Олимпия кенгаши ўйинлар Бахрайнга кўчирилганини эълон қилди.

Маълум бўлишича, Ўзбекистон Миллий Олимпия қўмитаси Тошкентдаги Олимпия шаҳарчаси қурилиши ўз вақтида якунланмаслиги сабабли Осиё Олимпия кенгашига ўйинларни мамлакатда қабул қила олмаслигини билдириб, хат юборган.

Шундан сўнг, бугун Осиё Олимпия кенгаши Ижроия қўмитаси онлайн учрашув ўтказиб, мезбонлик Бахрайнга топширилишини эълон қилган.

ООК ўз навбатида Ўзбекистон томонига киритилган барча сармоялар учун миннатдорчилик билдириб, келгусида йирик мусобақаларга мезбонлик қилишини таъкидлаган.