Осиё ўйинлари-2018. Бугун байдаркачиларимиз ҳам бошлашди ФОТОГАЛЕРЕЯ

Ушбу икки спорт туридан ҳам биз бир нечта медалларни кутяпмиз. Бугун икки жамоамиз ярим финал саралаш баҳсларида иштирок этишди ва уларнинг ҳар иккиси ҳам финал йўлланмасини қўлга киритди. Финал стартлари эртага ўтказилади ҳамда ғолиб ва совриндорлар номи маълум бўладии 

Жумладан, байдаркада эшкак эшиш бўйича тўртлик баҳсларида қатнашган спортчиларимиз 500 метрлик масофада маррага учинчи бўлиб етиб келишди ва финалда қатнашиш ҳуқуқини қўлга киритишди. Улар қайд этган натижа олти давлат спортчилари орасида бешинчиси бўлди. 

Жуфтлик баҳсларида 1000 метр масофага ўтказилган спринтда иштирок этган Шаҳриёр Маҳкамов ва Шоҳрух Аъзамов ҳамкорлиги эса финалга учинчи натижа билан йўл олди. Бу борада Қозоғистон ва Хитой терма жамоалари биздан юқорироқда жойлашишган. 

Камолиддин Алимов, суратлар муаллифи - Абдулло Файзуллаев (Палембанг, Индонезия)