Осиё ўйинлари-2018. Медалларимиз 28тага етди, ҳамон 10-ўриндамиз! (тўлиқ жадвал)

Кеча мусобақанинг саккизинчи кунги баҳсларида Ўзбекистон терма жамоаси делегацияси ғазнаси 6та медалга бойиди. Оғир атлетикачимиз Руслан Нуриддинов терма жамоамизга олтинчи медални тақдим этди. 

Мусобақанинг 8-куни ғолиб ва совриндор бўлган спортчиларимиз:

Олтин: 

Руслан Нуриддинов (оғир атлетика)

Кумуш: 

Омадой Отақўзиева (оғир атлетика)

Бронза:

Абдумалик Салимов (пенчак силат)

Садриддин Сайматов (каратэ)

Барно Мирзаева (каратэ)

Суҳроб Ходжаев (енгил атлетика).

Бугунги баҳслар олдидан терма жамоамиз медаллар жамғариш бўйича жами 28та медал билан жадвалда 10-ўринни эгаллаб турибди. Жамоамиз ҳисобида 6та олтин, 11та кумуш, 11та бронза, жами 28та медал бор. 

Қозоғистон терма жамоаси 5та олтин, 8та кумуш, 28та бронза, жами 41та медалга эга бўлиб турибди. Ён қўшниларимиз умумжамоа ҳисобида 11-поғонадан жой олишган. 

Шу кунгача жами 175та медални қўлга киритиб улгурган Хитой терма жамоаси катта фарқ билан медаллар жамғариш бўйича биринчи ўринни эгаллаб турибди. Чин юрти вакиллари 78та олтин, 59та кумуш, 38та бронза медали билан тақдирланишган. 

Кучли учликда Япония ва Жанубий Корея терма жамоалари жойлашишган. Ўттиз бешта давлат спортчиларига камида битта медал олиш насиб қилган. Йигирма саккизта мамлакат терма жамоалари ҳисобида эса камида бир нафар Осиё ўйинлари-2018 чемпиони бор.