Осиё ўйинлари-2018. Шарипова иккита матч-болдан фойдалана олмай мағлуб бўлди+ФОТО

Жакабари Спорт Маркази теннис кортларида ўтаётган баҳсларда бугун ўзбекистонлик теннисчилар иштирокидаги тўртта учрашув бўлиб ўтмоқда. 

Афсуски, мамлакатимизнинг биринчи ракеткаси Сабина Шарипова иккинчи давра учрашувида аламли мағлубият аламини тотиб кўрди. Теннисчимиз икки бор матч-бол, яъни учрашувни якунлаш имкониятига эга бўла туриб, бундан унумли фойдалана олмади. 

Биринчи сет 7:5 ҳисобида гонконглик Жанг Ли фойдасига ҳал бўлди. Иккинчи сетни 0:3 ҳисобида бой бераётган Сабина ўзини қўлга ола билди ва сетлар бўйича мувозанатни тиклади - 6:3. Ҳал қилувчи учинчи сетда эса Шарипова икки бор ғалабани қўлдан чиқарди. 4:2 ва 5:3 ҳисобларида олдинда боришига қарамай, якунда мағлубиятга учради - 5:7. 

Камолиддин Алимов. Суратлар муаллифи - Абдулло Файзуллаев (Палембанг, Жакарта)