Осиё ўйинлари. Академик эшкак эшиш бўйича терма жамоамиз аъзолари яна иккита йўналиш бўйича финалга йўл олишди

Академик эшкак эшиш бўйича терма жамоамиз аъзолари ҳам кундузги дастур доирасида ўз йўналишларида саралаш баҳсларини ўтказди. Бироз олдин, спортчиларимиз иккита йўналиш бўйича финал босқичи масаласини ҳал этгани ҳақида хабар берган эдик.

Аҳамиятлиси, вакилларимиз яна иккита йўналишда қониқарли натижа кўрсатган ҳолда ҳал қилувчи босқичга йўл олишди:

1. Академик эшкак эшиш, эркаклар жуфтлик: Шеҳроз Ҳакимов, Дилшоджон Худойбердиев - 6 дақиқа, 33,37 сония (А финалига йўл олди)

2. Академик эшкак эшиш, эркаклар, жамоавий: Анатолий Краснов, Ўктамжон Давронов, Шуҳрат Шодиев, Фазлиддин Каримов, Зафар Усмонов, Алишер Турдиев, Давржон Давронов, Евгений Агафонов, Фарруҳ Облақулов - 5 дақиқаю 41,97 сония (А финалига йўл олди).

Шунингдек, айни дамда замонавий бешкурашнинг қиличбозлик спорт тури доирасида ўзбекистонлик Самира Абзалова ҳамда Алисе Фахрутдинова иштирокини давом эттирмоқда.