Осиё ўйинлари ғолиби Мўминжон Абдуллаевни табриклаймиз!

Полвонимиз оила аъзолари даврасида ўз таваллуд айёмини нишонламоқда. Мўминжон Абдуллаев 1989 йил 24 декабрь куни Самарқанд вилоятида дунёга келган. -130 кг вазн тоифасида Ўзбекистон терма жамоаси аъзоси. Жакартада ўтган Осиё ўйинлари ғолиби, Осиё чемпионатининг кумуш медали совриндори, Лондон Ёзги олимпия ўйинлари иштирокчиси. 

Осиё ўйинларида у Жанубий Корея, Тожикистон ва эронлик полвонларни мағлуб этиб, финалгача етиб борган. Ҳал қилувчи баҳсда эса қозоғистонлик Нурмакан Тиналиевдан 8:0 ҳисобида устун келиб, шоҳсупанинг энг юқори поғонасига кўтарилган. Айни пайтда Мўминжон Токио Олимпиадасига лицензия тақдим этувчи турнирга тайёргарлик кўрмоқда.

Фурсатдан фойдаланиб, Ўзбекистон спорт курашлари ассоциацияси раҳбарияти, мураббийлар штаби, ҳакамлар ва курашчилар номидан бугун шукрона кунини нишонлаётган Мўминжон Абдуллаевни чин кўнгилдан табриклаймиз. Унга сиҳат-саломатлик, оилавий бахт ва албатта Олимпиада йўлланмасини қўлга киритишини тилаймиз.