Осиё ўйинлари. Осиё ўйинларининг олтинчи кунида иккита кумуш

Мусобақанинг олтинчи кунида иккита кумуш медаль қўлга киритдик:

Академик эшкак эшиш, саккизлик: (Алишер Яров, Достонжон Бахриев, Ислам Мамбетназаров, Достонжон Хурсанов, Шоҳжаҳон Нажмиев, Отамурод Раҳимов, Шеҳроз Ҳакимов, Зафар Усмонов ҳамда Анатолий Краснов)

Велоспорт: Мурод Холмуродов

18:05. Антон Фокин ўз чиқишида муваффақиятсизликка учради ва медаль қўлга кирита олмади.

17:34. Бокс. Бобоусмон Батуров мўғулистонлик Бянба Эрденени мағлуб этди ва кейинги босқичга йўл олди.

17:14. Теннисчимиз Денис Истомин ярим финалда ҳиндистонлик рақибини 6:2, 6:2 ҳисобларида мағлубиятга учратди ва финалга йўл олди.

17:42. Оғир атлетика. Суннатилло Ўсаров даст кўтаришда 158кг, силтаб кўтаришда эса 182кг натижа қайд этди. Умумий ҳисобда 340кг натижа кўрсатган ҳамюртимиз олтинчи натижани қайд этди.

17:10. Сузиш. Владислав Мустафин финалда стартга чиқди ва маррага бешинчи бўлиб етиб борди.

15:45. Оғир атлетикачимиз Суннатилло Ўсаров даст кўтаришда 158кг натижа кўрсатди.

15:27. Спорт гимнастикаси. Расулжон Абдураҳмонов ўз иштирокини бошламоқда.

14:22. Пенчак Силат. Муниса Раббимова илк жангида вьетнамлик Тем Транга 0:5 ҳисобида ютқазиб қўйди.

14:03. Боксчимиз Ёдгорой Мирзаева илк жангида Хитой Тайпейи вакилига ютқазиб қўйди ва мусобақадаги иштирокини якунлади. 

13:55. Велоспортчимиз Мурод Холмуродов 40 км масофага шоссе баҳсларида иккинчи натижани қайд этди ва КУМУШ медални қўлга киритди. 

11:02. Жиу-житсу баҳсларида иштирок этаётган ҳамюртларимизнинг барчаси мағлуб бўлди. Фақатгина -56 кг вазн тоифасида баҳсларда қатнашаётган Акмал Амиров бронза медали учун курашиш имкониятини сақлаб қолди. 

09:43. Яна бир жиу-житсучимиз Акмал Амиров эса таиландлик Сувижак Кунтонгдан 13:4 ҳисобида устун келди ва чорак финалга йўл олди. 

09:23. Жиу-житсу. Ҳомиджон Мўминов 1/16 финалда баҳрайнлик Майтам Саббани 5:2 ҳисобида мағлубиятга учратди. 

09:09. Сузиш бўйича эстафета баҳсларида иштирок этган йигитларимиз ўз гуруҳларида биринчи ўринни эгаллаган бўлсаларда, финалга йўл ололмадилар. 

09:00. Академик эшкак эшиш. Саккизталик баҳсларда стартга чиққан спортчиларимиз маррага иккинчи бўлиб етиб келишди ва КУМУШ медални қўлга киритишди.

08:49. Жиу-житсу. -56 кг вазн тоифасида баҳсларда иштирок этаётган спортчиларимиз ғалаба билан бошлашди. Достон Рўзиев мўғулистокнли Бяандурен Гантумурни 4:0, Акмал Амиров эса ироқлик Муҳаммад Исмоилни 4:0 ҳисобида мағлуб этиб, 1/8 финалга чиқди.

08:31. Академик эшкак эшиш. Тўртлик баҳсларида иштирок этган спортчиларимиз финалда тўртинчи ўринни эгаллашди.

08:10. Сузувчимиз Владислав Мустафин саралаш баҳсларида учинчи натижани қайд этди ва финалга йўл олди. 

07:53. Пенчак Силат баҳсларида иштирок этаётган Абдумалик Саидов эронлик рақибини мағлубиятга учратди ва ярим финалга йўл олди. 

07:40. Шахбоз Холмурзаев академик эшкак эшишнинг яккалик йўналишида чиқиш қилди ва маррага тўртинчи бўлиб етиб келди. 

07:12. Бироздан сўнг академик эшкак эшувчиларимиз финал баҳсларида ўз чиқишларини бошлайдилар. 

07:10. Ассалому алайкум. Ҳамюртларимизнинг бугунги иштирокидан матнли трансляциямизни бошлаймиз.

Бугун қуйидаги спортчилар юртимиз шарафини ҳимоя қиладилар:

Жиу-житсу:

-55кг: Достон Рўзиев
-55кг: Акмал Амиров
-69кг: Ҳомиджон Мўминов
-69кг: Асадулло Бозоров


Гольф:

Жамоавий баҳслар, эркаклар

Канатбек Курбаналиев
Сергей Чен
Роман Тен
Евгений Ли


Оғир атлетика:

-85кг: Суннатилла Ўсаров


Спорт гимнастикаси:

брюс, якка, финал

Антон Фокин
Расулжон Абдураҳимов


Пенчак Силат:

Муниса Раббимова

Абдумалик Саидов



Велоспорт:

Шоссе: Мурод Холмуродов


Академик эшкак эшиш:

Яккалик, финал: Шаҳбоз Холмурзаев

Тўртлик, финал: Ўктам Давронов, Фаррух Астонов, Абдулло Муҳаммадиев, Шаҳбоз Абдужабборов.

Саккизлик, финал: Алишер Яров, Достонжон Бахриев, Ислам Мамбетназаров, Достонжон Хурсанов,  Шоҳжаҳон Нажмиев, Отамурод Рахимов, Шеҳроз Хакимов, Зафар Усмонов, Анатолий Краснов.


Теннис:

Ярим финал: Денис Истомин - Прайнеш (Ҳиндистон)


Бокс:

-57кг: Ёдгорой Мирзаева - Хуанг Хсиовен (Хитой Тайпейи)
-69кг: Бобоусмон Батуров - Бянба Эрдене (Мўғулистон)


Сузиш:

50 метр, брас: Владислав Мустафин (саралаш ва финал)
эстафета 4х100: Ўзбекистон