Осиё ўйинлари тарихи: Байроқдор Ҳайдаров, чемпион Артур Таймазов ва Вадим Меньков. Доха-2006 ўйинларини ёдга оламиз

Биз сайтимиз орқали Ўзбекистоннинг Осиё ўйинларидаги иштирокига оид маълумотларни эътиборингизга ҳавола қиламиз. 

Ҳисоб бўйича XV Осиё ўйинлари 2006 йилнинг 1-15 декабрь кунлари Қатар пойтахти Доха шаҳрида ўтказилган. 

Ушбу мусобақада Ўзбекистон шарафини 29 спорт турида 250 нафар спортчи ҳимоя қилган. Мусобақа якунига кўра терма жамоамиз аъзолари 11 та олтин, 14 та кумуш ва 15 та бронза медалини қўлга киритишган. 

Умумий ҳисобда 40 та медалга эга чиққанмиз. 

Боксчи Ўткирбек Ҳайдаров мусобақада делегациямиз байроқдори вазифасини бажарганди. 

Делегациямиз мусобақа якунига кўра, 7-ўринни эгаллаган. 

Ўзбекистон спорт делегациясида олтин медаль қўлга киритган спортчилар (11 та олтин):

1. Баҳодиржон Султонов (бокс)

2. Элшод Расулов (бокс)

3. Рустам Саидов (бокс)

4. Вадим Меньков (эшкак эшиш, С-1, 1000 м) 

5. Юлия Борзова (эшкак эшиш, К-1, 500 м)

6. Дилшод Мансуров (эркин кураш)

7. Артур Таймазов (эркин кураш)

8. Владимир Черненко, Руслан Наврузалиев (академик эшкак эшиш, жуфтлик)

9. Севара Ганиева, Зарина Ганиева (академик эшкак эшиш, жуфтлик)

10. Гўзал Хуббиева (енгил атлетика, 100 метрга югуриш)

11. София Каспулатова (каратэ)