Осиё ўйинлари тарихи: Шоҳсупадаги Таймазов, чемпион Ришод Собиров ва бошқалар. Гуанчжоу-2010даги иштирокимиз қандай бўлганди?

Биз сайтимиз орқали Ўзбекистоннинг Осиё ўйинларидаги иштирокига оид маълумотларни эътиборингизга ҳавола қиламиз. 

Ҳисоб бўйича XVI Осиё ўйинлари 2010 йилнинг 12-27 ноябрь кунлари кунлари Хитойнинг Гуанчжоу шаҳрида ўтказилган. 

Ушбу мусобақада Ўзбекистон шарафини 28 спорт турида 225 нафар спортчи ҳимоя қилган. Мусобақа якунига кўра терма жамоамиз аъзолари 11 та олтин, 22 та кумуш ва 23 та бронза медалини қўлга киритишган. Умумий ҳисобда 56 та медалга эга чиққанмиз. 

Делегациямиз мусобақа якунига кўра, 8-ўринни эгаллаган. 

Ўзбекистон спорт делегациясида олтин медаль қўлга киритган спортчилар (11 та олтин):

1. Юлия Тарасова (енгил атлетика, кўпкураш)

2. Светлана Радзивил (енгил атлетика, баландликка сакраш)

3. Элшод Расулов (бокс)

4. Серик Мирбеков, Герасим Кочнек (эшкак эшиш, С-2, 1000 м)

5. Вадим Меньков (эшкак эшиш, С-1 1000 м)

6. Сергей Борзов, Алексей Бабажанов, Алексей Мочалов, Вячеслав Горн (эшкак эшиш, К-4, 1000 м)

7. Рустам Қосимжонов (шахмат)

8. Ришод Собиров (дзюдо)

9. Дилшод Мансуров (эркин кураш)

10. Артур Таймазов (эркин кураш)

11. Владимир Тўйчиев (велоспорт, трэк)