Осиёнинг 2006 йилдаги "Энг яхши футболчиси" фаолиятини якунлади

31 ёшли қатарлик ҳужумчи бу ҳақда ўзининг Инстаграм саҳифасида шундай изоҳ қолдирди: "Ўйлайманки, бу қароримни ҳамма ҳурмат қилади". 

Маълумот учун, Халфан Иброҳим Қатар терма жамоасининг ўтмишдаги собиқ футболчиси Иброҳим Халфаннинг ўғли ҳисобланади. Халфан Иброҳим футболчилик фаолиятини "Ал Садд" клубида бошлаб 13 йил шу жамоада тўп тепган. У жамоаси билан 2011 йилги Осиё чемпионлар лигасида зафар қучган. 

Кейинчалик моҳир ҳужумчи "Ал Араби" сафига ўтиб бир мавсумни ўтказди ва ўтган йил "Ал Райан" шарафини ҳимоя қилди. Ушбу мавсум бошида яна "Ал Араби"га қайтган футболчи охири фаолиятини якунлашга қарор қилди.