Осиёнинг 40 давлати орасида 6-ўринни эгалладик

Айни дақиқаларда жамоавий баҳслар ўтказилмоқда. Кеча якунига етган яккалик баҳсларида Ўзбекистон терма жамоаси 1 та олтин, 2 та кумуш, 2 та бронза медалини қўлга киритиб, Осиё ва Океаниянинг 40 иштирокчи давлати орасида 6-ўринни банд этди. Дзюдочиларимиз 2 тадан бешинчи ва 7-ўринларни ҳам эгаллашди. 

Дзюдо ватани - Япония терма жамоаси Осиё чемпионатида жами 9 та медални расмийлаштирди. Кунчиқар юрт вакиллари 4 та олтин, 1 та кумуш, 4 та бронза медалига эгалик қилишди. Мўғулистон терма жамоаси 3 та олтин, 2 та кумуш, 3 та бронза медали билан иккинчи ўринни банд этди. 

Кучликка учликка 2 та олтин, 3 та кумуш, 6 та бронза медали билан Жанубий Корея терма жамоаси якун ясади. Биздан аввалги ўринларни Хитой ва Қозоғистон дзюдочилари эгаллашган. Еттинчи поғонадаги КХДР жамоаси 1 тадан олтин ва бронза медалига га бўлди. Жами 12 давлат дзюдочилари уйларига камида битта бронза медали билан қайтишди. Қолган 28 мамлакат ортга қуруқ қўл билан қайтишга мажбур бўлган.