18 ноя 17:40
Янгиликлар

Теннис

Ўсмир қизларимиз Доҳада совриндор бўлишди

Қатар пойтахти Доха шаҳрида спортнинг теннис тури бўйича 14 ёшгача бўлган ўсмирлар ва қизлар ўртасида Осиё чемпионати бўлиб ўтди.

Мазкур мусобақада дунёнинг 15 мамлакатидан спортчилар қатнашди, ушбу чемпионатда Ўзбекистон терма жамоаси сифатида Республика олимпия захиралари теннис мактаби спортчилари Мафтуна Кахраманова, Муниса Ашурбековалар ҳамда ўсмирлардан Бобур Мирзо Ёкубжонов ва Амир Милушевлар ҳамда жамоа мураббийи Абидов Фаррух Самукович бошчилигида иштирок этишди.

Муросасиз ва қизиқарли тарзда бўлиб ўтган мусобақанинг яккалик ўйинлари якуни бўйича қизлар ўртасидаги финал баҳсларида ҳамюртларимиздан яккалик баҳсларида Мафтуна Кахраманова кумуш медал соҳибаси, жуфтлик баҳсларда хам Мафтуна Кахраманова ҳамда Муниса Ашурбекова билан биргаликда кумуш медал соҳибалари бўлишди.