07 сен 13:55
Янгиликлар

Спорт курашлари

Ўсмирлар Олимпиадаси кумуш медали совриндорини табриклаймиз!

Бугун аёллар кураши баҳсларида Ўсмирлар Олимпиадасининг кумуш медали совриндори Шоҳида Аҳмедова ўз таваллуд айёмини нишонламоқда.

Ўзбекистон аёллар кураши терма жамоасининг келажаги сифатида қаралаётган юртдошимиз икки йил аввал Аргентинанинг Буэнос-Айрес шаҳрида ўтказилган Ўсмирлар Олимпиадасида кумуш медални қўлга киритган. -49 кг вазн тоифасида юртимиз шарафини ҳимоя қилган Шоҳида мусобақа давомида Қозоғистон, Венесуэла, АҚШ, Беларусь мамлакатлари вакилаларини мағлубиятга учратиб финалгача етиб борганди.

Ҳозирда бугунги қаҳрамонимиз мураббийи Саламат Кўчимова қўл остида Токио Олимпиадасининг лицензион турнирига тайёргарлик кўрмоқда. Мураббийларнинг Шоҳидадан умидлари катта. Ўзига нисбатан анчагина талабчан бўлган курашчимизга бу борада ғалаба ва омад тилаймиз.