12 окт 11:38
Янгиликлар

Оғир атлетика, Олимпия ўйинлари

Ўсмирлар Олимпиадаси: Муҳаммадқодир кумуш медалга эга чиқди!

Аргентинанинг Буэнос-Айрес шаҳрида давом этаётган ўсмирлар ўртасидаги Олимпия ўйинларининг оғир атлетика баҳслари бошланди.

Баҳсларга биринчилардан бўлиб -77кг вазн тоифасидаги атлетимиз Муҳаммадқодир Тоштемиров киришди. Ҳамюртимиз даст кўтаришда 140кг., силтаб кўтаришда эса 168кг., тошни ўзига бўйсундирди. Умумий ҳисобда 308 кг. натижа қайд этган спортчимиз якунда кумуш медалга эга чиқди.

Ушбу йўналишда олтин ва бронза медаллар мос равишда Арманистон ва Миср спортчиларига насиб қилди. Бугунги кунга келиб, Ўзбекистон терма жамоаси ҳисобида 1та олтин, 2та кумуш ва 2та бронза медаллари мавжуд.